SQ ENG

Carrefour: Premtimi i markes per te udhehequr si shembull

Në vitin 2013, CMB Albania dhe Marinopulos S.A., kompania që zotëron ekskluzivitetin e françizës Carrefour për Europën Jug-Lindore finalizuan një lëvizje të guximshme për të  konsoliduar pozitën e tyre në tregun me pakicë Shqiptar me blerjen e Euromax, një rrjet lokal supermarketesh, themeluar në 2005 si rrjeti i parë i marketeve ushqimore në Shqipëri.
 
Në një pikë kthese për biznesin e tyre në vend, Klienti iu drejtua McCann Tirana për të komunikuar ndryshimin dhe planet e tyre ambicioze për të ardhmen. Si agjenci me shërbime të plota për markën Carrefour në Shqipëri, McCann Tirana planifikoi qasjen strategjike ndaj mesazhit e markës dhe ekzekutimin e saj në ATL, BTL e dixhital, si dhe komunikimin PR.
 
OBJEKTIVAT
Detyra e Agjencisë ishte krijimi i një platforme komunikimi dhe një fushate që do të ripoziciononte biznesin e Carrefour në Shqipëri si një zinxhir i plotë, kombëtar të shitjes me pakicë. Përveç kësaj, qëllimi sekondar i Klientit ishte fokusimi tek klientët aktuale Euromax, të cilët duhet të njiheshin me përvojën e re Carrefour në lagjen e tyre.
 

  1. Si mund të zgjerojmë grupin e konsumatorëve e si mund të rrisim dashurinë për markën tek konsumatorët aktual Carrefour?

  2. Cili duhet të jetë pozicioni i ri në treg i markës Carrefour?

  3. Cili duhet të jetë toni unik i zërit për ta diferencuar këtë markë nga konkurrenca?

  4. Si mund të krijojmë ndërgjegjësim tek konsumatorët në lidhje me rrjetin e ri dhe ripozicionimin e Carrefour në treg? 

 
Me këto pyetje ndërmend, vendosëm të thelloheshim më tej në mendimet e konsumatorëve në lidhje me tregjet me pakicë.
 
STRATEGJIA
Të gjithë shitësit me pakicë në vend kanë fokusuar komunikimin e tyre në raportin çmim-cilësi, pa u përpjekje të dukshme në diferencimin e markës së tyre. Në një situatë ku lufta e çmimeve është gjithmonë prezente, një mënyrë për të arritur diferencimin është tek theksimi i epërsive konkurruese dhe tek mënyra se si kodohet ky mesazh për konsumatorin.
 
 
Në sajë të situatës së biznesit, Carrefour ishte në pozitë optimale për të arritur një ndryshim thelbësor nga pozita e Ofruesit të Zakonshëm të shërbimeve, gjithmonë i fokusuar në çmimet e ulta dhe kontrollin e produkteve, tek pozita e Konkurrentit Argëues. Kjo ambicie e re e markës komunikon forcën dhe besueshmërinë e markës Carrefour, duke gërshetuar fokusin tek përfitimet racionale dhe pjesa emocionale. Pozicionimi i ri nënkupton njëkohësisht edhe promovimin e risive dhe shndërrimin në udhëheqësin shembullor për këtë kategori.
 
Carrefour Albania po shëmb të vjetrën, për të krijuar të renë dhe përmes ndryshimit pozitiv në këtë kategori po prezanton një eksperiencë te reja blerjeje. Marka Carrefour përfaqëson idenë e shijimit të jetës dhe të jetuarit të së tashmes. Si një markë pozitive, Carrefour i fton klientët e tij të përqafojnë ndryshimin dhe i ndihmon ata që këtë gjë ta bëjnë në të tashmen. E gjithë kjo komunikohet me nota dhe ton argëtues e origjinal, larg toneve të fryra apo të vetëkënaqura, sepse për Carrefour ky status nuk ka më rëndësi. 
 
Ky ndryshim strategjik, i jep mundësi Carrefour të largohet prej fushës së pozicionimit “për të gjithë”, ku Euromax, Big Market dhe pothuajse të gjithë konkurrentët e tjerë janë pozicionuar. Ai përfaqëson një premtim të ri, përtej premitimit të përgjithshëm për çmime me leverdi, tek një premtim për një eksperiencë të plotë të blerjes.
 
IDEJA E MARKËS
Carrefour po i jep fundit periudhës së vjetër tranzitore të eksperiencës së blerjes në Shqipëri, për të prezantuar një mënyrë të re. Nëpërmjet rrjetit të gjerë, Carrefour ka mundësi të ndryshojë tregun pozitivisht në mënyrë të ndjeshme. Marka do të shfrytëzojë pozicionimin, ekspertizën dhe rrjetin e ri për të përmbushur pritshmërinë e klientëve dhe partnerëve të biznesit për të riformatimin e tregut duke shkuar më tej ofertës “vlerë për para”.